ოჯახური ძალადობა

  საზოგადოების დიდ ნაწილს, ძალადობა მხოლოდ ფიზიკური ზეწოლა გონია. ოჯახური ძალადობა ერთ-ერთი ფართო თემა რომელზეც მრავალი დაწესებულება და ჯგუფები მუშაობენ, საქართველოში  ჯერ კიდევ 2006 წელს  პარლამენტმა მიიღო კანონი რომელიც ითვალისწინებს : ოჯახში ძალადობის აღკვეთას, ძალადობის მსხვერპლთა დაცვასა და დახმარებას.
   ძირითადად მოსახლეობის უმრავლესობა ფიქრობს რომ ოჯახში მომხდარი ყველა უსიამოვნება, ეს იქნება კამათი თუ
ძალადობა, არის მხოლოდ კონკრეტული ოჯახის საქმე და ამ საქმეში ჩარევის უფლება არავის აქვს. წლების მანძილზე მართლაც ასე იყო, არავინ ერეოდა ოჯახურ კომფლიქტებში, მაგრამ დღეს, XXI  საუკუნეში,  შექმნილია ორგანიზაციები და სახალხო დამცველთა ჯგუფი მუშაობს ამ პრობლემის აღმოფხვრაზე.
   ხშირად ოჯახში ძალადობის მიზეზი შეიძლება გახდეს მამაკაცის, ან თუნდაც ქალბატონის მხრიდან იმისი დამტკიცების სურვილი, რომ ,,ის მთავარია ოჯახში''. ეკონომიკური პირობების გამო, არის ისეთი შემთხვევებიც როდესაც ოჯახის რჩენა მხოლოდ ქალს უხდება, ამის გამო ის თავის მეუღლეს ყოველ დღე ახსენებს, რომ ყველაფერი მისი წყალობით აქვს და ის ვალდებულია სასწრაფოდ მოძებნოს სამსახური. ამ შემთხვევაში ხდება ფსიქოლოგიური ძალადობა ქალბატონის მხრიდან.
   ოჯახური ძალადობას აქვს შემდეგი ფორმები:

• ფიზიკური ძალადობა;
• ფსიქოლოგიური ძალადობა;
• ეკონომიკური ძალადობა.

                           
   ბავშვი,რომელიც იზრდება ისეთ ოჯახში, სადაც ხშირია კომფლიქტი და ძალადობა, იგი ირებს ფსიქოლოგიურ სტრესს, რის შედეგადაც შესაძლოა იგი გახდეს ზედმეტად აგრესიული. ასეთ ოჯახში გაზრდილი ბავშვები ხშირად თვითონ ხდებიან მოძალადეები.
   ძალადობის მსხვერპლნი ძირითადად ისეთი ადამიანები ხდებიან რომლებმაც არ იციან საკუთარი უფლებები. დღესდღეობით მედია მუშაობს მოსახლეობისთვის საკუთარი უფლებების გაცნობაზე, ტელევიზიით გამუდმებით ვრცელდება სიუჟეტები, რომლებიც მოგვიწოდებს ვებრძოლოთ ძალადობას!